Gure hirugarren taldeak 1-3 galdu du SD Ejearen aurka Zubietan. Zaragozarrak nagusi izan dira lehen zatian eta hainbat hurbilketa arriskutsu egin ostean, El Mokhek gola egitea lortu du area kanpotik egindako erremate bikain batekin. Lehen berrogeita bost minutuetan kanpokoek nagusi izaten jarraitu dute, baina aukera handirik izan gabe.
Zaragozarrek estutzen jarraitu dute atsedenaldiaren ostean. Isaacen erremate baten ondoren, Zangok urrundu duena, Carrascok, hamaika metroetatik, ez du barkatu, markagailuko aldea handituz. Txuri-urdinek aurrerapausoa eman dute gol honen ostean eta Cabo, ezkerkada gurutzatu batekin, aldea murrizteko zorian egon da. Minutu batzuk geroago, oraingoan bai, Diaz de Aldak aldaratze bat baliatu du gure bigarren filiala partidan sartzeko. Donostiarrek gertu izan dute berdinketa Gorosabel, Cabo eta Carreraren erremateekin, baina ez dira sartu gutxigatik. Norgehiagokako azken jokaldian, Tudelak partida erabakita utzi du kontraeraso batean, kanpokoen hirugarren gola sartuz
Gure hirugarren taldearen bigarren porrota denboraldi hasiera honetan. Lanean jarraitzea besterik ez dago, ea lehen puntu horiek iristen diren. Datorren asteburuan CD Tudelanoren etxean heburu hori bilatuko dute.
Fitxa teknikoa:
Real C: Zango, Díaz de Alda, Segurola, Torres (Oleaga, min. 85), Olarra (Fernandorena, min. 69), H. Martín, Eceizabarrena, Garro, Arruti (kap.) (G. Gorosabel, min. 69), Otadui (Astiazaran, min. 69) eta Cabo (Carrera, min. 69).
SD Ejea: D. Troya, R. Sola, Hassou, Álvaro Martín, A. Sola, El Mokh, Isma Fadel (D. Iglesias, min. 81), Rodri Val (Ginovés, min. 90), Carrasco (kap.) (Tudela, min. 90), Isaac (Bravo, min. 73) eta Babacar (Ramón López, min. 81).
Golak: 0-1: El Mokh, min. 25; 0-2: Carrasco (pen.), min. 55; 1-2: Díaz de Alda, min. 71; 1-3: Tudela, min. 96.
Epailea: Calvo Martínez. Txartel horia erakutsi die etxeko Torres eta Olarrari eta kanpoko Carrasco eta El Mokh-ri.