Reala LaLiga Summer Tourreko lau taldeetako bat izango da. Udako bira antolatzen duen plataformak abuztuaren hasieran Ipar Amerikan bi lagunarteko partida jokatzera eramango ditu txuri-urdinak.
Gipuzkoarrek Atletico de Madriden aurka neurtuko dituzte indarrak Monterreyko BBVA Estadioan, Mexikon. Norgehiagoka abuztuaren 2an, asteazkenean, jokatuko da. Bigarren norgehiagoka Betisen aurka jokatuko dute donostiarrek San Frantziskoko Oracle Parken abuztuaren 5ean.
Birak gure ligako puntako lau talde izango ditu. Txuri-urdinez gain, Atleticok, Betisek eta Sevillak osatzen dute.
Summer Tour Ligarako sarrerak apirilaren 27an jarriko dira salgai. Zaleek informazio gehiago eskuratu eta sarrerak lehentasunez erosteko aukera izango dute esteka honetan: https://www.releventsportsgroup.com/laliga
