Gure belar hockeyeko taldeak hiru eta huts galdu du eguerdi honetan Club Egararen aurka. Hasiera berdinduaren ostean, katalanek garaipena bideratu dute bigarren laurdenean sartutako bi golekin.
Txuri-urdinek aurpegia eman dute, baina etxekoek partida erabakita utzi dute hirugarren laurdena amaitu baino pixka bat lehenago. Porrot gogorra jaso dute gipuzkoarrek, baina oraindik aukerak dituzte Erreginaren Koparako sailkapena lortzeko. Horretarako, igandean garaipena eskuratu beharra dago.