Realeko lehen taldea Zubietara itzuliko da. Jokalari txuri-urdinek arratsaldean emango diote hasiera banakako entrenamenduen faseari 16:30etatik aurrera konfinamenduan zehar egindako lanarekin jarraitzeko. Taldea gehienez sei jokalariko lau multzotan banatuta egongo da, osasun-agintarien argibideei jarraituz eta LaLigaren protokoloan ezarritakoa errespetatuz, eta bi txandatan lan egingo dute Jose Luis Orbegozo eta Z2 zelaietan. Gizarte osoak ahalegin handia egin ondoren, denen artean COVID-19a garaitu eta aurrerapausoak ematen jarraitzen dugu. Taldearen lan-plana honako hau da datozen egunetan:
Ostirala: 16:30, Zubieta (itxita).
Larunbata: 9:30, Zubieta (itxita).
Igandean: 9:30, Zubieta (itxita).