Realak asteazkenean neurtuko ditu indarrak Zubietan, Osasunaren aurka, denboraldiaurreko hirugarren lagunartekoan. Talde nafarraren aurkako norgehiagoka Jose Luis Orbegozo zelaian jokatuko da 19:00etan eta Real Sociedad TVk zuzenean eskainiko du.
Realeko bazkideek bakarrik ikusi ahal izango dute partida eta instalazioen sarreran erakutsi beharko dute txartela. Partidara joaten diren zale guztiek Jose Luis Orbegozo zelaiko harmailetan eserita egon beharko dute eta ezin izango da partida zelaiaren inguruan zutik ikusi. Hori dela eta, harmailen gehienezko edukiera (2000 ikusle) bete ondoren, ezin izango da sartu.
Aparkalekua
Z7ko aparkalekua irekita egongo da jarratzaileentzat, hipodromoko aparkalekuan aparkatzeko aukera ere egongo da. Errepidea itxita egongo da Mercabugatiko gasolindegiko biribilgunetik hipodromorantz.