Real Sociedad Fundazioak urteak daramatza Gipuzkoako garun-paralisiaren elkartearekin elkarlanean, eta mende erdia bete du garun-paralisia duten pertsonei laguntzen.
Gipuzkoan garun-paralisia duten pertsonekin lan egin duten familien, erabiltzaileen, profesionalen eta boluntarioen ahaleginaren eta ilusioaren lekuko izan dira 5 hamarkada hauek.
“Elkarrekin Gai + Gara” kanpainaren bidez, elkarteak eskerrak eman nahi dizkio Gipuzkoako gizarteari 50 urte hauetan erakutsi duen babesagatik. Helburua garun-paralisia duten pertsonen eskubideetan aurrera egitea, elkarte-sentimendua indartzea eta Elkartearen laguntzaileen eta lagunen sarea zabaltzea da.