Realak Reale Arenako Autobabes Plana ezarri du, indarrean dagoen araudiaren legezko eskakizunak betez eta estadioan larrialdiren bat gertatuz gero kontuan hartu beharreko puntuak barneratzen dituen plana, alegia.
Aurreko bilera eta simulakroa gaur egin dira Reale Arenan. Hasiera batean, Reale Arenan jokatutako partida batean larrialdiren bat gertatuz gero jarraitu beharreko urratsak argitu dira. Ondoren, arduradunek simulazio-kasu praktiko bat egin dute. Bertan izan dira Segurtasuneko koordinatzailea, Iñigo Sarasola klubeko Segurtasun zuzendaria, Pedro Tomås Boticario LaLigako Safety Arloko arduraduna, Bruno Pro Sabiko Segurtasuneko enpresako ordezkaria, Ertzaintzako arduradunak, udaltzaingoa, Gurutze Gorria, babes zibila eta klubeko langileak.
