Benficaren aurkako partidan izandako istilu desatseginen ondoren, Realak neurriak hartzea erabaki zuen, portugaldarren aurkako partidan izandako egoerak berriro gerta ez daitezen, kosta ahala kosta. Bihar FC Salzburgen aurkako Europako partidari begira, Klubak hainbat behin-behineko jarduera egin ditu urgentziaz, kanpoko zaleentzako espazioaren inguruan dauden pertsonen segurtasuna bermatzeko.
Azken asteetan, bi jarduera nagusi egin dira bisitarien zaleen sektorizazioa aldatzeko eta tokiko zaleen babesa handitzeko.
KAIOLATZEA:
Babes-sare bereziak diagonalean zabalduz, estalkia eusten duen hormigoizko habea eta metakrilatozko itxitura nagusia lotuz, alboko itxiturez gain, bisitarientzako hiru sektore oso isolatu dira. Erabiltzen den sarea beltza da, polipropilenozkoa, korapilorik gabea eta suaren aurkako tratamenduarekin, objektuak jaurtitzean babes handiagoa lortu ahal izateko, neurriaren inpaktu bisuala minimizatuz.
AZPIBANAKETAK:
Bestalde, metakrilatozko hiru barne-dibisio berri eraiki dira, tamaina txikiagoko talde estankoetan banatzeko, estadioko segurtasun-ekipoek errazago kontrola ditzaten.
Jarduera horiek behin-behinekoak dira, eta behin betiko neurriak aztertzen ari dira datozen hilabeteetarako.
Bazkideekin harremanetan jartzea
Istiluen ondoren, Jokin Aperribay zuzenean jarri zen harremanetan bengalen jaurtiketak kaltetutakoekin, haien egoeraz interesatzeko eta beraien iritzia ezagutzeko.
