Berdinketa borrokatua

Lehen zatia oso berdinduta egon da eta ia aukerarik gabe. Urdinen iritsiera arriskutsu bakarra Carles Perezen ezkerkada batekin iritsi da, gutxigatik kanpora joan dena. Donostiarrek, berriz, aurrea hartu ahal izan dute Sergio Gomezen erdiraketa batekin, baina Sadiqek ez du errematea egitea lortu atezainaren aurrean. Atsdenaldian, ezer gutxi nabarmentzeko.

Etxekoak hobeak izan dira bigarren zatian, hasieratik estutuz eta area barruan baloi asko jarriz. Alderete gola sartzeko zorian egon da, Remirok kornerrera bidali behar izan duen ezkerkada batekin. Peterrek eta Aleñak ere, erremate bikoitz batean, gola sartzeko aukera izan dute, baina bietan Zubimendi bikain aritu da gola saihesteko. Azkenean, golik gabe.

Puntu bat selekzioen geldialdiaren aurretik. Bi aste hauek ondo etorriko zaizkigu Real Madrid Reale Arenan hartu aurretik.

Fitxa teknikoa:

Getafe CF: David Soria, Iglesias, Djene (kap.), Alderete, Rico, Nabil (Aleñá, min. 67), L. Milla, C. Pérez (Arambarri, min. 67), A. Sola (J. Patrick, min. 85), Bertug (Peter, min. 78) eta Uche (Yellu, min. 90).

Real Sociedad: Remiro, H. Traoré (Aihen, min. 66), Zubeldia (kap.) (Martín, min. 46), Pacheco, Aramburu (Javi López, min. 59), Zubimendi, Turrientes, Take (Becker, min. 59), Brais Méndez (Barrene, min. 28), Sergio Gómez eta Sadiq (Óskarsson, min. 66).

Epailea: Munuera Montero. Txartel horiak erakutsi die etxeko Iglesiasi eta kanpoko Aiheni.