Realak Futbol Draffteko sari nagusia jaso zuen atzo Zubietako instalazioetan, talde txuri-urdinak heziketako futbolean egiten duen lanagatik. Bigarren urtez jarraian eta sari hau ematen zaion hirugarren aldiz (lehenengoa 2013an izan zen), klub txuri-urdina nabarmendu da berriro harrobian egindako lan bikainagatik. Aurreko denboraldian lortutako kirol arrakastengatik, batez ere harrobian trebatutako jokalariz osatutako taldearekin, Realari aintzatespen ospetsu hau eman dio Futbol Drafteko Batzorde Teknikoak erabakita.
Sari ospetsu horien 20-21 edizioan, Realaz gain (harrobiko klub onena), gure futbolarietako zazpik banakako sariak ere jaso dituzte. Nerea Eizagirre eta Amaiur Sarriegi, Urrezko Hamaikakoaren barruan, Beñat Turrientes, Zilarrezko Hamaikakoan izendatua, eta Ander Barrenetxea, Jon Pacheco, Julen Lobete eta Jon Karrikaburu, Brontzezkoan. Halaber, Xabi Alonsok ‘Iñaki Sáez' saria jaso du, denboraldi honetan sortu den entrenatzaile onenaren saria.
Roberto Olabe Futbol Zuzendariak, Xabi Alonso eta zazpi futbolari gazteekin batera, Javier Lasagabaster Futbol Drafteko zuzendariaren eskutik jaso zituzten euren sariak.