_338_.jpeg)
Realak denboraldiaurreko prestakuntzan aurrera egiten jarraitzen du. Txuri-urdin taldeak gaur arratsaldean Sentimenduen Kopa jokatu du Tajonarren, Costa Adeje Tenerife eta CA Osasunaren aurka, hiruko torneoa osatuz.
Lehen neurketan, donostiarrek huts eta huts egin dute talde tinerfeñarraren aurka. Arturo Ruizen gidaritzapean aritutako taldeak ekimena bereganatu zuen, jokoan nagusi izan zen eta gol aukera argiak sortu zituen, baina aurkariaren atezainak eta azken metroetan izandako zehaztasun faltak markagailua ez irekitzea ekarri du.
Bigarren partida gaizki hasi da gipuzkoarrentzat, Osasunak gola egin baitu hasierako minutuetan, Adri Paradaren bidez aldaratze bat baliatuta. Realak berehala erreakzionatu eta berdinketa lortu du Nerearen asistentzia bikain baten ostean Isasisasmendik egindako erremateari esker. Handik aurrera, txuri-urdinek neurketaren pisua eraman dute eta aukera argiak izan dituzte Intza, Isasisasmendi eta Emmaren oinetan, baina ezin izan dute garaipena emango zien gola lortu.
Bi berdinketa izan ondoren, Costa Adeje Tenerifek eskuratu du txapelketako garaipena, Osasunaren aurkako garaipenari esker.
Tajonarren jokatutako hiruko torneoak kalitatezko minutu gehiago eta erritmo lehiakorra ekarri dizkio taldeari, eta orain begiak EH Kopako finalera daude jarrita: igande honetan jokatuko da, 12:00etan, Dulantzin, SD Eibarren aurka.
Lehen hamaikakoa: A. Estensoro, Lucía, Azpirotz, Moraza, Aiara, Arola A., P. Fernández, E. Guridi, Intza, N. Eizagirre, Mirari
Bigarren hamaikakoa: Mendiburu, Emma, Soroa, Apari, Moraza, L. Pardo, Cahynová, Andreia, Cecilia, N.Eizagirre, Isasisasmendi