Dibertsioa totala izan da aste honetan bete den RS Campusaren bigarren txandan. Donosti Cup-ak eragindako atsedenaren ondoren, 2011 eta 2014 urteen artean jaiotako haurrak goizero elkartu dira Urnietako futbol zelaian beroketa jokoak, kirol anitzak eta tarteko futbol askoren artean, RS Fundazioak bultzatu nahi duen errespetua, talde lana eta autonomia bezalako baloreak lantzeko. Astelehenean emango dio hasiera hirugarren txandak.