'African Talent Football Academy' akademia Donosti Cupeko 16 urtez azpikoen mailako finalean gailendu da gaur eguerdian. Realak hiru urte daramatza lanean Ghanako akademia honekin.
Afrikako futboleko talentu talde hau Irungo Stadium Galen jokatutako finalean Madrilgo CSF Team-i gailendu zaio penaltietan, arauzko denboran hiruna berdindu ondoren. Realak prestakuntza eta metodologia aholkularitza zerbitzuak eskaintzen dizkio eta metodologia transmititzen die bertako jokalarien garapenerako.
Esperientzia bikaina izan da gazte horientzat, eta, gainera, saria izan dute txapelketako garaipena lortuta. Zorionak.