Realak Heart of Midlothian FC izango du aurkari UEFA Women’s Europa Cupeko bigarren kanporaketan. Ostiral honetan Nyonen egindako zozketak zehaztu du txuri-urdinen hurrengo aurkaria Europako ibilbidean, UEFA Women’s Champions Leaguen parte hartu ostean.
Kanporaketa joan-etorriko bi partidatan jokatuko da. Realak joaneko partida Eskozian jokatuko du, eta itzulikoa, berriz, Zubietan. Lehen neurketa irailaren 22an edo 23an izango da, eta itzulikoa irailaren 30ean edo urriaren 1ean. Bi partiden behin betiko egunak eta ordutegiak aurrerago baieztatuko dira.
Txuri-urdinek, beraz, beste erronka bati ekingo diote Europan, UEFA Women’s Europa Cupen. Kanporaketa gaindituz gero, Reala final-zortzirenetarako sailkatuko da. Fase horretako zozketa urriaren 2an egingo da, eta bertan zehaztuko da finalera arteko bidea.
Aurrera, Reala!
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin