Larunbatean Reale Arenak egun berezia biziko du. Gure estadioan Aviron Bayonnais eta Pau izango dira aurrez aurre, seigarrena eta hamahirugarrena sailkapenean. Frantziako errugbi liga Donostiara itzuliko da partida erakargarri batekin eta sarrera guztiak agortuak daude.
Partida 17:00etan jokatuko da eta, aurretik, ostiralean, bi taldeek entrenamendu ofizialak egingo dituzte. 11:00etan Paueren txanda izango da, eta Aviron Reale Arenan arituko da 17:00etatik aurrera.