Mila esker realzale guztiei, mila esker bihotzez. Bereziki, Valentziako herriaren eta DANAren kaltedunen alde ekarpena egin duzuen guztioi. Reale Arenak gainezka egin du kaltetuentzako laguntza eta elikagai tonekin egun hauetan. Horregatik, aurreikusitakoa baino lehen, gaur bertan produktu eta tresnen bilketarekin amaitzeko erabakia hartu da.
Gaur arratsaldean osatu da lehen kamioia, ura, esnea eta produktu sanitario eta higienikoak dituzten hogeita hamar palet baino gehiagorekin. Bihartik aurrera, gainerako materiala sailkatzen jarraituko da, eta bigarren kamioia kargatu berri izango da. Jasotako produktu guztiak kontuan hartuta, beste hiru beteko direla kalkulatu da. Beraz, material guztia garraiatzeko bost kamioi beharko direla aurreikusi da. Guztira 150 elkartasun palet inguru Valentziako herriarentzat eta DANAk kaltetutako guztientzat.
Hain denbora laburrean jaso dugun laguntza bolumen handiari esker, harrotasun handienarekin ixten dugu bilketa hau. Eskerrik asko zareten bezalakoak zaretelako. Eskerrak ere lehen taldeko jokalariei, gaur arratsaldean euren aletxoa jartzera hurbildu baitira.
Realetik eskerrak eman nahi dizkiegu material hori guztia betetzen, kargatzen eta garraiatzen eskuzabaltasunez lagundu duten enpresa eta elkarte guztiei. Eskerrik asko Echemar, Uvesco, Seyce, Zaporeak, Nagusilan eta Gipuzkoako Elikagaien Bankua!!!
Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek CLUBen komunikazio-kanal ofizialeetan argitaratzea nahi ez baduzu, jakinarazi iezaguzu, mesedez, [email protected] posta elektroniko helbidera idatziz, eta berehala kenduko ditugu irudi horiek. Dagokion pribatutasun-politika honako esteka honetan aurki daiteke: https://cdn.realsociedad.eus//Uploads/CntDetalles/503/1/acd80c62-c8f7-4b75-9eb4-d09362fb43cd.pdf
