Realak bi eta bat galdu du Getafen lehen zatiko luzapenean eta bigarrenaren hasieran jasotako golen ondorioz. Bere erreakzioa ez da nahikoa izan eta taldea Getafetik saririk gabe alde egiten du.
Getafe beti da plaza zaila zure futbola zabaltzeko. Lehen minutuek etxekoen aldeko penalti bati bide eman diote, eta Remirok, bikain beste behin ere, Mayoralen jaurtiketa gelditu du. Txuri-urdinei kosta egin zaie erasoan jokoa sortzea, eta ia luzapenera arte ezin izan dute aukera argirik izan, Sorlothen jaurtiketa indartsu batekin amaitutako kontraeraso batean. Partida atsedenaldira zihoanean, falta jaurtiketa batean, Enes Unalek gol ikusgarria sartu du etxekoak aurretik jartzeko.
Bigarren zatia lehenengoa amaitu den bezain gaizki hasi da. Aleñak bigarrena egin du, Imanolen taldearentzat partida oso maldan gora jarriz. Baina Realak azkar erreakzionatu du, eta, hiru minutu geroago, aldea murriztu du Brais Mendezen burukada batekin, Choren erdiraketa bikainaren ostean. Donostiarrak partidan sartu dira berriro. Golaren ondoren Reala hazi egin da eta ohi bezala jokatzen hasi da, kontrol handiz eta arriskua sortuz. Merinok, bi aldiz, burukada batekin eta eskuinkada batekin, berdinketarako aukera onak izan ditu. Etxekoak defendatzera mugatu dira, baina kontraeraso batean, Enes Unalek gertu izan du hirugarren gola zutoinera joan den jaurtiketa batekin. Azken unera arte saiatu dira txuri-urdinak, Silvaren eta Merinok langara bidalitako errematearekin arrisku handia sortzen, baina emaitza aldatu gabe.
Porrot horrek geldiarazi egiten du gipuzkoarren ligako erritmoa, eta, kexatzeko astirik gabe, ostegunean ekingo diote Europako bigarren hitzorduari. Aupa, Real!
Fitxa teknikoa:
Getafe CF: David Soria, Damián (kap.), Duarte, Mitrovic, Gastón, Angileri (Iglesias, min.53), Algobia (Seoane, min.60), Aleñá (Portu, min.70), Maksimovic, Enes Unal eta Mayoral (Munir, min.70).
Real Sociedad: Remiro, Sola (Gorosabel, min.70), Zubeldia, Pacheco, Aihen, Zubimendi, Merino (kap.), Turrientes (Silva, min.46), Take (Brais Méndez, min.46), Sorloth (Karrikaburu, min.82) eta Sadiq (Cho, min.39).
Golak: 1-0: Enes Unal, min.45+5. 2-0: Aleñá, min.48. 2-1: Brais Méndez, min.51.
Epailea: Pulido Santana. Txartel horia erakutsi die etxeko Aleñá, Iglesias, Damián eta Duarteri eta kanpoko Gorosabeli.