Reale Arenak erabakiko ditu Europako txapelketetarako sailkapenak denboraldi amaiera honetan. Realak lehia berean daudenen aurka bere zaleen aurrean jokatzeko abantaila izango du eta komodin hori gaurtik bertatik erabili behar da. LaLigan hirugarren garaipena jarraian lortzea bultzada onena litzateke azken txanpa honetan ezerekin konformatuko ez den talde txuri-urdinarentzat.
RCD Mallorca da gure feudoa bisitatuko duen lehen aurkaria. Jagoba Arrasateren taldea txapelketa bikaina egiten ari da berriatuarraren lehen kurtsoan. Gure sailkapen-postutik puntu bakar batera, garaipena eskuratu behar dute denboraldi amaieran sari batengatik borrokatzen jarraitu ahal izateko. Azken zortzi partidatan gaude eta akatserako tartea gero eta urriagoa da.
Realak etxeko gisa duen abantaila baliatu behar du eta zaleek ondo erantzun behar dute jokoan dugunaren aurrean. Familia errealista osatzen dugun guztiok helburu bakarra dugu denboraldi amaiera honetan, denetan handiena; historia egitea. Europako txapelketetarako seigarren sailkapena, bihotz txuri-urdineko inork inoiz ikusi ez duena. Gaur lehia bat dugu Europara gerturatu ahal izateko, denok batera emango dugu pausoa. AURRERA REALA!!!