Dagoeneko ezagutzen dugu UEFA Europa Leagueko final hamaseirenetako arerioa. FC Red Bull Salzburg-en aurka arituko gara. Joanekoa otsailaren 15ean Anoetan (19:00) eta itzulerakoa astebete beranduago Austrian (21:05).
Gure arerioa Austriako talderik indartsuena da. Azken hamaika ligetatik zazpi irabazi ditu. Aurten bigarren da Sturm taldetik bi puntura.
Multzo fase bikaina
UEFA Europa Leagueko final hamaseirenetara multzoko lehena izan eta gero iristen da partidarik galdu gabe (3 garaipen eta 3 berdinketa) eta Marsellako Olympique, Konyaspor eta Vitoria de Guimaraes atzean utzita.
Vitoria de Guimaraes 1 - 1 FC Salzburg
FC Salzburg 1 - 0 Olympique de Marseilla
Konyaspor 0 - 2 FC Salzburg
FC Salzburg 0 - 0 Konyaspor
FC Salzburg 3 - 0 Vitoria de Guimaraes
Olympique de Marsella 0 - 0 FC Salzburg
Stadion Salzburg
Talde austriarra Stadion Sazburg (Red Bull Arena bezala ezaguna) zelaian jokatzen du, 30.188 ikuslerekin.