Real C eta Gazteen Ohorezko Mailako jokalariek osatutako konbinatu batek Future Falcons Academy taldeari irabazi dio gaur goizean Zubietako z4 zelaian jokatu den lagunartekoan bi eta bateko emaitzarekin.
Realak Future Falcons Academyrekin (Saudi Arabiako beken programa, futbolaren talentua garatzeko) lankidetza-hitzarmena sinatu zuen duela urtebete. Akordio horren bidez, klub txuri-urdinak akademia hori sustatzeko eta hazteko ezagutza eta metodologia eskaintzen ditu, futboleko talentuen detekzioa eta maila hobetzeko.
