Belar hockeyko gure taldeak Bartzelonako RC Poloren instalazioak bisitatuko ditu igande honetan. Reala ligako talde indartsuenetako baten aurka arituko da, jokatutako hiru partidetan porrota ezagutzen ez duena.
Jorge Perezek zuzentzen duen taldea, Juniorren aurka galdu ostean, denboraldiko lehen garaipena lortzeko gosez doa. Sailkapenaren erdian kokatuta, orain arte lortutako hiru berdinketek denboraldiko lehen garaipenaren bila bultzatzen dituzte txuri-urdinak.