Belar hockeyko gure taldeak 1-0 galdu du gaur goizean Atletic Terrassaren aurka. Bartzelonarrek markagailuan aurrea hartzea lortu dute lehen laurdenean Carla Barbaren golari esker. Donostiarrek behin eta berriz bilatu dute berdinketa, hori lortzeko pare bat aukera oso argirekin, baina ez dute asmatu. Nagusitasun hori, zoritxarrez, ez da markagailuan islatu, eta azkenean txuri-urdinek punturik batu gabe alde egin dute. Realak seigarren postuari eutsiko dio eta, astebete barru, RC Jolaseta hartuko du Zubietan.