Gure belar hockeyko taldeak bat eta huts irabazi dio Sardinerori gaur arratsaldean Zubietan. Donostiarrak nagusi izan dira hasieratik, baina ez dute lehen zatian markagailua irekitzea lortu, bigarren laurdenean penalti stroke bat izan arren. Bigarren zatia hasi eta berehala Lucia Casadok garaipenaren gola lortu du penalti korner batean. Txuri-urdinek emaitza handitzeko abaguneak izan dituzte, bertan behera geratu diren bi gol oso zalantzagarriak barne, baina markagailua ez da berriro mugitu. Merezitako garaipena eta oso landua hiru puntu oso garrantzitsu lortzeko eta seigarren postuan mantentzeko. Bi aste barru Atletic Terrassa HC taldea bisitatuko dute. Atxurrak gora!