_338_.jpg)
Óscar De Paula (Durango, 1975) aurrelari aparta izan zen nahiz eta urte askotan beste aurrelari batzuen itzalpean egon. Hamaika denboraldi eta 302 partida ditu bizkarrean, dirudiena baino ibilbide askoz oparoagoa.
De Paulak Badajozen hasi zuen bere futbol bidea eta hogei urterekin Realera iritsi zen. Gehienetan aulkitik aterata, De Paulak 60 gol sartu zituen, txantxa gutxi. Golegile isila zen, beti une egokian eta leku aproposean zegoena beti. Gurekin egon zen hamarkadan oso jokalari garrantzitsua izan zen.
Ez dugu inoiz ahaztuko Txapeldunen Ligako multzo faseko azken partidan Galatasarayren aurka Anoetan sartu zuen gola. Bi hankekin zuen errematea eta, batez ere, buruz zuen abileziak aurrelari bikaina izatera eraman zuten.
