Gure belar hockeyko taldeak huts eta bost irabazi du Barcelonaren aurka ligako hirugarren jardunaldian. Talde txuri-urdinak partida intentsitate handiarekin hasi du, eta ez dio markagailuan aurreratzeko aukerarik eman talde kataluniarrari. Atsedenaldira iristean bi eta hutseko errenta izan du markagailuan Realak Maider Altuna eta Giulianaren golei esker. Aldageletatik itzuli eta berehala sartu du Giulianak berak gipuzkoarren hirugarren gola, eta huts eta hirukoarekin partida alde jarri zaio talde txuri-urdinari. Lucia Casadoren eta Maider Altunaren golek eman die amaiera talde gipuzkoarraren partida bikainari.
Emaitza handi honekin Realak bere bigarren garaipena eskuratu du jarraian, eta era berean sailkapeneko hirugarren postuan kokatzea ere lortu du. Hurrengo astean Sanse Complutenseren bisita jasoko dute etxean ligako laugarren jardunaldia jokatzeko.