Garena gara garen bezalakoak izateagatik. Bere jendea, bere lurra eta bere baloreak maite dituen kluba. Talde honek bere harrobia maite du, urtetik urtera maila bikaineko jokalariak ateratzen diren harrobia, haur bakoitza zubietara iristen den lehen egunetik ondo egindako lanaren ondorioz.
Formazio prozesu horrek futbolariak partaide izatearen sentimenduaz betetzen ditu, Realak defendatzen duenarekin inplikatutako izpirituaz, lur batekiko errotze horretaz eta egiteko eta sentitzeko modu batez. Etorkizuneko proiektu batekin bat egiten dute, eta lehen taldean arrakasta izatera iristen dira; izan ere, Zubietan urteak daramatzaten gazte horiek elitean erakusten dute gure harrobitik igaro ondoren ikasitako eta bizitako guztia.
Horrelako asteetan, garen bezalakoak izateak harroago bihurtzen gaitu, gure izaeraz, balioez eta filosofiaz. Urte askoan. Aupa Real!