Joan den urriaren 8, 9 eta 10ean egin zen Sport Thinkers Smart Stadium lehiaketaren finalaren lehen fasea, Global Sports Innovation Center powered by Microsoftek antolatuta (GSIC), Real Sociedad SAD eta Microsoften lankidetzarekin. Oinarri teknologikoko enpresen lehiaketaren helburua da Anoetako estadioaren eraldaketa digitala bultzatuko duten ekintzak egitea, gaur egun berritze prozesu betean sartuta dagoelarik.
Iris Cordoba GSICeko zuzendari nagusiak zera dio: “Oso pozik gaude deialdiaren prozesu guztiarekin. Aukera eman digute sektoreko 80 enpresa berritzaile ezagutzeko, zeinak soluzioak eta zerbitzuak garatzen ari diren, Reala bezalako erakundeei beraien eraldaketa digitaleko prozesuetan laguntzeko. Orain, horietatik 11k aukera dute beren teknologiak Anoetako disruptiboetan aplikatzeko. Enpresa irabazle guztietatik, 6 dagoeneko GSICeko bazkideak dira, eta gainerakoek ere bat egingo dute gure ekosistemarekin, zentroak eskaintzen dituen abantaila guztiez baliatzeko. Gainera, irabazle guztiek GSICek diseinatuta azelerazio programa hasiko dute, eta, hor, gure Sport Thinkers mentoreen sarea osatzen duten kirolaren industriako profesionalik onenen aholkuak jasoko dituzte”.
Juan Iraola Realeko Arlo Digitaleko arduraduna da, eta oso positibo baloratzen du GSIC eta Microsoftekin batera hasitako prozesua. "GSICek Sport Thinkers Hub izenarekin sortu zuen programa hasi zenetik oso erakargarria gertatu zaigu, Reala bezalako klub batean berrikuntza garatzeko modu berri bat proposatzen duelako. Berrikuntza soluzio teknologikoetan oinarrituta dago, eta aukera emango digu 2016ko urtarrilean hasi genuen eraldaketa digitaleko proiektuan sakontzeko. Programa horri esker, hamaika proposamen teknologiko lortu ditugu, eta aukera berriak ekarriko dizkigute estadioari lotutako hainbat alderditan: jarraitzaileekin bestelako interakzio mota batzuk edukitzea, energi kontsumoak kontrolatzeko sistemak, instalazioak mantentzeko soluzioak, VIP gune berrien kudeaketa, edukiak sortzea, etab.
Zaila iruditzen zait Sport Thinkers Hub formatu honetarako alternatiba bat bilatzea, berrikuntza ezagutu, barneratu eta ezarri ahal izateko ezagutzak eta esperientziak ez dituen enpresa batean, arlo teknologikoa bezain eremu aldakor eta zorrotzean”, adierazi du Juan Iraolak.
Anoetara eraldaketa digitala ekarriko duen 11koa
Batura Mobile Solutions (Espainia): Soluzio teknologiko honek
desgaitasuna duten zaleentzat irisgarritasun baldintzei lotutako zerbitzuak eta
beharrak lantzen ditu. Soluzio mugikor honen helburua da pertsona guztientzako
aplikazio bat egotea, salbuespenik gabe, futbolaren eta estadioaren esperientzia
bizitzeko.
Brintia (Espainia): Denbora errealeko ChatBot soluzio bat
eskaintzen dute, errentagarria eta eskalagarria,kirol erakundeetan bezeriari
egindako zerbitzuan sortzen diren ohiko arazoak konpontzeko eta optimizatzeko.
Microsoft teknologiak eta Adimen Artifiziala aplikatuz, ChatBot pertsonalizatu
bat sortu dezakete, Bezeroaren Zerbitzurako Plataforma automatizatu moduan
erabiltzeko, denbora errealean, zaleen ohiko galdera guztiei erantzuteko,
sarrerak erosteko eta merkadotekniarako, eta klubeko harpidedun eta kideei
esperientzia pertsonalizatua eskaintzeko
Cinfo (Espainia): Bere produktuek soluzio integrala eskaintzen dute
edozein plataformarekin grabatzeko eta denbora errealean transmititzeko, kamera
finko eta mugikorretako sistema batekin, angelu desberdinak hartzeko. Garatu
duen lainoko bideo teknologia gai da denbora errealean bideoa sortzeko,
ekitaldi bakoitza bideojoko bat balitz bezala, bere IA algoritmoekin
konbinatuta, eta hainbat aukera eskaintzen ditu kalitateari eta prezioari
dagokienez.
Deep Data (Espainia): Enpresa
hau espezializatuta dago kudeaketa energetikorako eta Smart Cities &
Buildingserako IoT aplikazioetan.. Software osatu bat daukate, tresna berean
integratzeko instalazioen kudeaketa energetikoa (elektrizitatea, klimatizazioa,
ura, produkzio prozesuak, etab.), kontratu energetikoak, energia
berriztagarriak, langileak eta sarbideen kontrola, parking adimendunak, barruko
eta kanpoko zein ikuskizunetarako argiteria, hondakinak, belarra ureztatzea,
wifi sareak.
Iristrace (Espainia): Tresna erraz bat daukate egiaztapen eta
auditoria zerrendak sortzeko, prozesu konplexuen bitartez, sistemetan datuak
lortzeko eta balioztatzeko zuzenean pertsonengandik. Eskaintzen duten soluzioak
laguntzen du egindako lana informatzeko eta egiaztatzeko eman beharreko orduak
aurrezten.
iXpole (Belgika): Soluzioa lainoan oinarrituta dago, eta kirol
klubei laguntzen die bere barne prozesuak profesionalizatzen. iXpolek klubeko
B2B bezeroei lotutako datu guztiak tresna batean zentralizatzen ditu
(kontratuen kudeaketa, abegikortasuna, babesak, sarrerak ateratzea), eta horrek
aukera ematen dio barne erabiltzaile bakoitzari edozein lekutatik eta edozein
unetan bere bezeroari buruzko informaziorik eguneratuena eskuratzeko.
NFCSound (Herbehereak): Soinua erabiltzen dute datuak bidaltzeko
teknologiako protokolo moduan. Zaleen konpromisorako, babesetarako,
publizitaterako, informaziorako, gamifikaziorako, sarbideen kontrolerako eta
segurtasunerako erabil daiteke. Estadioko bozgorailuak datuak transmititzeko
tresna bihurtzen dira. Ikusleek datuak dekodifikatuko dituzte beren telefono
adimendunen mikrofonoaren bitartez, berdinetik berdinerako komunikazio batean,
zerbitzarietatik igaro gabe, eta horrek esan nahi du inoiz ez dela atzerapenik,
butxadurarik edo bufferreko biltegiratzerik gertatzen.
Pressenger (Hungaria): Bere soluzioak aukera ematen du kirolen
inguruko aplikazio mugikorrek jakinarazpen animatuak bidaltzeko, erabiltzaileen
gailuaren pantailan bertan, baita pantaila itzalita badago ere. Pressengerren
jakinarazpen “burbuila” komunikazio mugikorreko tresna oso erakargarria da, eta
plataforma berria da kirol klubentzat eta babesleentzat, modu zuzenean eta
interaktiboan komertzializatzeko.
Solos (Australia): Oso alternatiba berritzailea da sarbideak
kontrolatzeko, oro har cashless eta fan engagement-entzat. Ate adimendunei
integratutako munduko lehen “Kit adimenduna” da. Zaleek kit-a erabiltzen badute
ez dute sarrera fisikorik behar. Gainera, teknologiak balio erantsi bat
eskaintzen du, estadioan lehentasunez sartzeko, eskaintza esklusiboak egiteko,
elikagai eta edarietako deskontu eta merkadotekniarako, eta, are
garrantzitsuagoa, esperientzia bereziak eskaintzen ditu, hala nola suiteak
eguneratzea, zelairako gonbidapenak edo jokalarien eduki esklusiboetarako
sarbidea.
Yarr TV (Espainia): Sare
sozialetako marketin plataforma bat da, ekitaldi, negozio eta markei laguntzeko
erabiltzaileak sortzen duen edukiari ahalik eta probetxurik handiena
ateratzeko. Bere helburua da zaleen esperientzia eta konpromisoa bultzatzea,
estadioko pantailetan lehiaketa sozialak eta inkestak egiteko soluzioak
erabiliz.
Yerba Buena BR (Estatu Batuak): YBVR bideo
esperientziak errealitate birtualean bultzatzen dituen plataforma bat da.
Enpresak VR premium bideo transmisioa eskaintzen du, erabiltzaileak hautematen
duen kalitate baxuaren arazoa merkatuko beste soluzio batzuekin konponduz.
Kirol ekitaldien zuzeneko transmisioak egiten dituzte, non erabiltzaileak
partida baten esperientziaz disfrutatu dezakeen estadiotik kanpo egonda ere.
Deialdiaren azken etapa azaroaren
4tik 7ra garatuko da, Donostian, eta irabazle guztiek klubaren murgilketa
asterako hitzordua dute. Egun horietan, enpresek zuzenean ezagutu ahal izango
dituzte Realeko zuzendariak, klubak barne mailan nola funtzionatzen duen,
nolako behar teknologikoak dituen eta nola pertsonalizatu daitezkeen
proposamenak Anoetako Estadiorako. Ekintzaren helburua da konpainia horiek
Realaren estadio berrituan pilotu bat ezartzeko dituzten aukerak detektatzea.