Reale Arenak ateak ireki ditu gaur, maiatzaren 28an, 11:00etan, Txuleta Festa 2025 ospatzeko. Publiko guztientzat pentsatutako hitzordua izango da, eta ekainaren 1eko igandera arte luzatuko da. Bost egunez, gastronomiak, kirolak eta euskal kulturak bat egingo dute estadioko zelaian ospatuko den jai erraldoi batean. Benetako protagonista parrillan egindako txuleta izango da, eta jaialdi osoan zehar 25.000 ale baino gehiago erreko dira.
Informazio erabilgarria
Ordutegia eta sarrera doan
Ekitaldirako sarrera guztiz librea izango da. Ekitaldia Reale Arenako zelaian bertan egingo da, estadioaren iparraldeko parkingetik sartuta, Topo geltokiaren ondoan. Ordutegia 11:00etatik 23:00etara izango da, asteazkenetik igandera bitartean.
Gastronomia, kirola eta euskal kultura
Dastatze-guneak prezio herrikoiak eskainiko ditu, kalitate handiko txuleta giro alaian dastatzeko aukera izango delarik. Haragi mota desberdinen artean aukeratzeko aukera ere egongo da.
Egitarauan orobat izango dira herri-parrillalarien lehiaketa eta Maisu Parrillalariaren Espainiako Lehiaketa entzutetsua, penintsulako erretzaile onenekin. Horrez gain, musika zuzenean, sagardoarekin lotutako jarduerak eta euskal kirolen erakustaldiak ere izango dira.
Ordainketa-moduak eta %20ko deskontua Bazkide eta RS Fanentzat
Bi ordainketa-modu egongo dira: txartel-zorroaren bidez edo banku-txartelaren bidez.
Banku-txartelarekin ordaintzea
Postu guztiek onartuko dute banku-txartelarekin ordaintzea, inolako tramite osagarririk egin beharrik gabe. Hala ere, metodo horrek ez du ahalbidetzen %20ko deskontua aplikatzea bazkide edo RS Fan gisa. Abantaila horretaz baliatzeko, ezinbestekoa izango da txartel-zorroa erabiltzea eta, aurretik, 15. postuan aktibatzea. Txartel-zorroaren erabilera, karga eta baldintzei buruzko xehetasunak hurrengo lerroetan daude jasota.
Txartel-zorroaren bidez ordaintzea
Aukera hau dirutan ordaindu nahi dutenentzat edo bazkide/RS Fan gisa deskontua aktibatu nahi dutenentzat pentsatua dago.
- Dirutan ordaintzeko, nahi den zenbateko bat kargatu beharko da txartel-zorro batean, estadioaren sarreraren ezkerrean dagoen postuan (mapan 15 zenbakiarekin adierazita).
- Bazkideek eta RS Fanek beren karneta (fisikoa edo digitala) erakutsiz gero, kargatutako zenbatekoaren %20ko saldo gehigarria jasoko dute. Adibidez, 20 € kargatuta, 24 € izango dituzte eskuragarri.
Txartel-zorroari buruzko beste xehetasun batzuk:
- Jaialdi osoan zehar nahi adina aldiz karga daiteke.
- Ez dago gutxieneko edo gehieneko zenbatekorik kargatzeko.
Garrantzitsua: %20ko saldo gehigarriaz baliatzeko, Bazkideek eta RS Fanek txartel-zorroa aldez aurretik aktibatu behar dute, 15. postuan, edozein erosketa egin aurretik (ikusi beheko mapa).
