Gure belar hockeyeko taldeak huts eta bat irabazi du gaur eguerdian Santanderreko CH Sardinero taldearen aurka. Bigarren itzuliaren hasiera ezin hobea, iaz lehen itzuliko azken partidan lortutako garaipenarekin batera, bi garaipen jarraian lortu dituzten txuri-urdinentzat. Partida nahiko parekatua izan da oro har, eta bi taldeek aukera gutxi izan dituzte. Neurketako gol bakarra hirugarren laurdeneko azken txanpan iritsi da, Maider Altunaren eskutik. Gipuzkoarrek amaierara arte eutsi diote emaitzari eta hiru puntu garrantzitsu lortu dituzte sailkapenaren behealdetik urruntzeko. Datorren astean RS Tenis hartuko dute Bera Beran.