Real Sociedad - Valencia CF: informazio baliagarria

Realak larunbatean Valencia CF-ren aurka jokatuko du Reale Arena Futbol Zelaian, arratsaldeko 18:30etan. Hemen duzu partidari buruzko informazio baliagarria:

Ateak 17:30etan irekiko dira

Reale Arenako ateak 17:30etan irekiko dira.

Omenaldia

Markel Bergarak zaleen txalo zaparrada eta maitasuna jasoko ditu larunbatean. Elgoibarkoak, futbol profesionaletik erretiratu berri da, familiari txuri-urdinari agur esateko aukera izango du Valencia CFren aurkako partidaren atarian.

Informazio gehiago.

RS Smart Tag

Gero eta zale gehiagok lotzen dute RS Smart Tag etiketa Realzale aplikazioarekin. Partida honetan, FIFA 20 hogei joko eta hamar FIFA Points kode zozketatuko dira (4600 FIFA Points kode bakoitzean). EA Sports-en 30 opari horiek beste bi esperientziari gehituko zaizkio, eta duela egun batzuetatik hona eman dezakezu izena: VIP esperientzia Euskal Itzulian eta afaria Sukaldean, Bokado taldeko jatetxea.

Gainera, partida honetan aplikazioa etiketarekin lotzen dutenek krispetak eta Aquarius bat doan izango dute (Reale Arenako hiru Fan Zonetan eta Tribuna Familiarraren erdiko barran).

Informazio gehiago.

Mugikorrarekin sartu eta karneta utzi

Reale Arenara errazago sartzeko aukera ematen dizugu. Zure mugikorrarekin sartu ahal izango zara zelaira. Realzale aplikazioa deskargatu eta bazkide gisa identifikatu besterik ez duzu egin behar. Eta etortzerik ez baduzu, txartel digitala lagun bati utzi ahal izango diozu.

Tabernak

Reale Arenako tabernak eta Fan Zonak larunbat honetan irekiko dira 17:30ean, zelaiko ateak irekitzen diren unean. Ogitartekoak, edariak, kafea... zerbitzatuko dira irekitzen direnetik. Hiru Fan Zonetan krispetak ere egongo dira.

Partida honetan, gainera, bai hiru Fan Zonetan, bai Tribuna Familiarreko erdiko barran, bi zaporetako izozki-terrinak salduko dira: Mango eta Cheese&Cake. Casa Eceizaren produktuak dira.