Gure urpeko sekzioak ikaragarri maite du itsasoa eta hori da, bataioen bitartez, urpekaritzaren munduan hasi nahi duten pertsonei helarazi nahi dietena. Duela egun batzuk itsasoa beste perspektiba batetik ezagutu nahi zuten pertsona ugari bildu ziren Getariako hondartzan.
Murgilketekin hasi baino lehen, instruktoreek argibide basikoak eman zizkien parte hartzaileei, hauek lasai egoteko eta beraien konfiantza lortzeko. Behin dena ulertu zutela, uretara sartzen lagundu zieten eta murgilketarekin hasi ziren.
Horrela sortzen dute harrobia. Kirol hau probatzen duten pertsona gehienek ia beti errepikatzen dute. Uretatik ateratzean oso pozik eta hunkiturik zeuden partaideak, disdira desberdin batekin begietan.