Reala Japoniara bidean da jada, non Tokyo Verdyrekin neurtuko dituen indarrak. Neurketa asteazkenean izango da Japoniako Estadio Nazionalean. Partida hau Yasuda Group gure bazkide estrategikoaren eskutik Asiako herrialdean Kluba hedatzeko planaren barruan kokatzen da. Hona hemen bertara bidaiatzen duten jokalarien zerrenda: Marrero, Fraga, Odriozola, Aritz, Barrene, Becker, Zakharyan, Take, G. de Zarate, Olasagasti, H. Traore, Pacheco, Turrientes, Brais Mendez, Marin, Goti, Martin, Aramburu, Fiabema eta Balda.
Reala Japonian egotea bi erakundeen arteko akordioaren ardatzetako bat da, eta Yasuda Groupek antolatutako campusekin gauzatzen hasi da. Campus horiek duela aste batzuk hasi ziren eta talde txuri-urdinak Japoniara joandako Zubietako teknikariekin elkarlanean dihardu.