Realean albiste bikaina jaso dugu. Gure jokalari Klára Cahynovák 2025eko Fortuna Urteko Futbolaria saria eskuratu du, bere ibilbidean bigarrenez, eta, horrenbestez, Europako futboleko erreferente nagusietako bat dela berretsi du.
Saria astelehen honetan, martxoaren 23an, banatu zen Coca-Cola Fotbalista roku 2025 sarien 61. edizioko gala ekitaldian, Pragako Forum Karlínen. Bertan, gure erdilari txuri-urdina berriro ere podiumeko gorenera igo zen, 2023an lortutako garaipenari jarraipena emanez.
Cahynovák Michaela Khýrová eta Kateřina Svitková gainditu zituen bozketan, eta argi utzi du bere eragina funtsezkoa dela bai klubean, bai nazioarteko mailan. Bere lidergoa, erregulartasuna eta maila gorenean erakutsitako errendimendua giltzarriak izan dira beste behin aitortza hau jasotzeko.
Gainera, Txekiako selekzioarekin historia egiten jarraitzen du; izan ere, berriki nazioarteko partiduen marka historikoa ezarri du, herrialdeko futboleko erreferente nagusietako bat dela berretsiz.
Real Sociedadtik zorionik beroenak helarazi nahi dizkiogu Klárari lorpen bikain honengatik. Harro gaude gure koloreak defendatzen dituen talentu eta anbizioaren isla delako.
Zorionak, Klára!
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin