Jokalari gutxik esan dezakete 100 partida jokatu dituztela lehen taldearekin. Aritzek, igandean Imanolek horrela erabakitzen badu, lortu egingo du. Bere hirugarren denboraldia da lehen taldeko jokalari bezala eta beasaindarra jokalari garrantzitsuenetariko batean bihurtu da. Hegalean edo erdian, Aritz Elustondo eredu bat da harrobiko gazte guztientzat. 25 urte eta historia egiten jarraitzeko aukera.