Uztaila hasi da eta Anoetako lanak aurrera doaz. Ipar Hondoko obren aurrerapena ikus daiteke eta izkinetan aurrealdearen estrukturaren zati baten muntaia hautematen da. Goiko eraztuneko lehen lerroko baranda ordezkatu da tribunetan hondoekin bateratzeko, eta aurrefabrikatutako harmailak jarri dira beheko eraztunean.
Tribuna Nagusian, goiko eraztuneko kanpoko sarbideko eskailerak botatzen ari dira, beheko eraztuneko zokaloarekin batera. Gainera, barneko instalazioen trazadura egin da.
