Aste historiko baten ostean, Realak erronka berri bati egingo dio aurre. Aurreikuspen guztien kontra, txuri-urdinek garaipen handia lortu zuten FC Barcelonaren aurka, ligako egungo txapeldunaren kontra, denboraldiko emaitzarik nabarmenenetako bat sinatuz. Orain, Arturo Ruizek gidatutako taldeak Kataluniako hiriburura bidaiatuko du, igandean, 16:00etan, RCD Espanyolen aurka jokatzeko, Ciudad Deportiva Dani Jarquen.
Espanyol emakumezkoen futbolean ibilbide luzeenetakoa duen taldea da. Bereziki nabarmentzen da defentsa sendoagatik eta etxean erakusten duen intentsitateagatik, eta horrek neurketa zail eta eskatzaile batean bihurtuko du igandekoa. Txuri-urdinek, aldiz, konfiantzaz eta dinamika onean iritsiko dira, eta helburu argia izango dute: erritmo onari jarraipena eman eta azken garaipenaren bideari eustea.
BIGARREN TALDEA
Aitor Resenderen zuzendaritzapean, bigarren taldea asteburu honetan Zubietara itzuliko da, garaipenaren bidera itzultzeko helburuarekin. Celta de Vigoren aurkako porrotaren ostean, txuri-urdinek Olímpico de León hartuko dute larunbatean, 17:00etan, eta neurketa hau funtsezkoa izango da sailkapeneko goiko postuei eusteko.
Taldeak gero eta joko sendoagoa eta nortasun argiagoa erakusten du, eta etxean berriro irabaztea izango du helburu. Vigoko porrota salbuespentzat hartu nahi dute, eta denboraldi hasiera bikainari jarraipena ematea izango dute jomuga.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin