Realak Manchester Uniteden aurka neurtuko ditu indarrak UEFA Europa Leagueko final-hamaseirenetan. 2013-14ko Txapeldunen Ligan gertatu zen bezala, txuri-urdinek deabru gorrien aurka jokatuko dute. Joaneko partida Reale Arenan jokatuko da otsailaren 18an eta itzulikoa, astebete geroago Old Trafforden.
Talde ingelesak Txapeldunen Ligako bere multzoko hirugarren postuan bukatu du, eta UEFA Europa Ligara pasa da. Ole Gunnar Solskjaerrek entrenatutako jokalariak PSGk eta Leipzigek gainditu zituzten. Gaur egun zortzigarren postuan daude Premier Leaguen, lidergotik bost puntura eta partida bat gutxiagorekin.