22 urte besterik ez ditu eta jada Mikel Oyarzabalek denbora asko darama zaleen idoloa izaten. Atzo Irunen, non iraileko jokalari onenaren saria jasotzera gerturatu zen, berriro ikusi ahal izan zen.
BM Supermerkatuak, Lenadro Agirretxe plazan, antolatutako ekitaldian, Mikelek arratsalde polita pasa zuen gerturatu ziren zaleekin. Ohiko sinadura eta argazki saioa baino lehen, Iñaki Auzmendik bere erosketa txekea eta Mikelek sinatutako kamiseta jaso zuen.
Funtzionamendua
Partida bakoitzaren ostean MVParen bozketa irekitzen da. Behin epea itxita, boto gehien jasotzen dituzten 3 jokalariak 3, 2 eta puntu 1 lortzen dituzte sailkapenerako. Hilabete bukaeran, berdinketa egonez gero, boto gehien lortu dituen jokalaria gailentzen da.