Arratsaldean zain edukiko duzu Bidebietan!

Mikel Oyarzabalek, gure zaleek aukeratutako martxoko MVPak, Bidebidetako BM Supemerkatuetara egingo duen bisita aprobetxatuko du pasa den hileko MVParen entrega ofizialaren ekitaldira hurbiltzen diren zale guztiekin tarte eder bat igarotzeko.

Gure babeslearekin, Realzale Programako laguntzailea baita, arratsaldean egingo da ekitaldia, 18:00etan, Bidebieta auzoko supermerkatuan. Txuri urdinak saria jasoko du, MVParen irabazle Iciar Garmendiarekin batera, eta ondoren zaleekin egongo da.

Zozketa gure boto emaileen artean

Iciar Garmendia izan da gure webgunean erregistratuta egon eta botoa eman zuten erabiltzaile guztien artean saria eskuratu duena. Zozketa bat egin zen jakiteko zeinek irabaziko zituen Mikel Oyarzabalek sinatutako kamiseta bat eta BM Supermerkatuek, ekintza honetan laguntzen duen markak, eskainitako 100€-ko orga.

Funtzionamendua

Partida bakoitzaren ondoren MVPa bozkatzeari ekiten zaio. Epea itxi ondoren, boto gehien eskuratu duten hiru jokalariek 3 puntu, 2 puntu eta puntu 1 lortzen dituzte, sailkapen orokorrerako. Hilaren bukaeran, kontaketa globalean, hainbat jokalariren artean puntu berdinketa gertatzen bada, futbolari bakoitzak jasotako boto kopuruak edukiko du lehentasuna.

*Aipatutako ekitaldian, REAL SOCIEDAD DE FUTBOLek irudiak hartuko ditu, eta irudi horiek web gunean edo sare sozialetan argitaratu ahal izango dira ekitaldiaren beraren sustapenerako. Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek argitaratzea nahi ez baduzu, jakinarazi iezaguzu, mesedez,