Gure belar hockeyko taldeak ligako talde indartsuenetako bat hartuko du igandean Zubietan. Txuri-urdinek sentsazio onekin hasi dute bigarren itzulia eta etzi liga irabazteko hautagai argia den RC Poloren aurka arituko dira.
Donostiarrek lau puntu lortu dituzte geldialdiaren ostean jokatu diren bi partidatan eta orain helburua dinamika on horri jarraipena ematea izango da. Garaipen batek bultzada handia emango lieke sailkapenean. Oso partida polita dugu igandean Zubietan. Atxurrak gora!