Lehen talde txuri urdineko kideek, Klubeko tekniko eta langileekin batera, denboraldi-aurreko entrenamenduak hasi aurretik LaLigako protokoloak ezarritako PCR eta serologia probak gainditu zituzten atzo.
Proben emaitzen artean bi positibo daude plantillan, euren etxeetan isolatuta daude eta datorren egunetan beste PCR test bat egingo zaie. Kasuak osasun-agintariei jakinarazi zaizkie.
Ligak ezarritako jarraibideei jarraituz, entrenamenduak bakarkako laneko saioekin hasi dira. Gainera, protokoloak agintzen duen bezala, negatibo guztiei PCR proba berri bat egingo zaie datorren astelehenean.