Bihar ostirala Realeko atletismoko taldeak Castellonera bidaiatuko du larunbat arratsaldean zehar ospatuko den Ligaren finalean parte hartzeko Gaeta Huguet Estadioan.
Gure mutilak laugarren postuan iristen dira azkeneko jaurdunaldi honetara, Madrileko AD Marathon taldearekin hirugarren postua lehiatzeko aukerekin. Talde gipuzkoarrarentzat oso garrantzitsua den txapelketa honetan zortzi aurkari egongo dira eta talde bakoitzeko atleta bat diziplina bakoitzean. Realaren aurkariak hauek izango dira: Playas de Castellon (lehengo urtean titulua irabazi zuena), FC Barcelona, AD Marathon, C.A. Fent Camí Mislata, Unicaja Atletismo, Tenerife Caja Canarias eta Simply-Scorpio 71.
50 urte betetzen dira txuri-urdinek azkeneko titulua irabazi zutenetik; aukera oso berezia txapelketa emaitza bikain batekin burutzeko. Atleten helburuak gertutik ezagutzeko, astearen hasieran Real Sociedad TV Anoetako Miniestadiora hurbildu zen Igor Legarda eta Iñigo Uribarrenekin hitz egiteko. “Oso talde lehiakorra eramango dugu, badakigu gure helburua lor dezakegula”, baieztatu zuten.
Hau izango da Realak aurkeztuko duen taldea:
100 metro: David Arques
200 metro: Alberto Muñoz
400 metro: Itoitz Rodríguez
800 metro: Pablo Muñoz
1.500 metro: Javier Nagore
3.000 metro: El Hassan Oubaddi
3.000 m oztopoak.: Carlos Gallego
5000m martxa: Francisco José Duran
110 metro hesiak: Javier Dones
400 metro hesiak: Iñigo Rodríguez
Luzera-jauzia: Igor Legarda
Jauzi hirukoitza: Iñigo Uribarren
Pertika-jauzia: Istar Dapena
Altuera-jauzia: Asier Corthay
Pisu jaurtiketa: Hodei López
Disko-jaurtiketa: Filipe Fernandes
Mailu-jaurtiketa: Servando Rivas
Xabalina-jaurtiketa: Odei Jainaga
4x100m erreleboa: David Arques, Alberto Muñoz, Octavian Mihail eta Javier Dones
4x400m erreleboa: Gen Abreu, Itoitz Rodríguez, Christian Barbero eta Iñigo Rodríguez
Atletismoko Ligaren finala jarraitu nahi duenak RFEA-ko webgunean 17:00-etatik aurrera txapelketa osoa ikus ahal izango du.
Txapelketaren ordutegi ofiziala hemen: http://www.rfea.es/clubes/horario.htm