Tximist Cup txapelketaren zortzigarren edizioa

Ekainaren 14tik 22ra ospatuko den Tximist Cup txapelketaren 8. edizioa orain arte egindakoen bereziena izango da. Munduko talderik ospetsuenak eta sarituenak elkartuko ditu Hondarribian, eta benetako nazioarteko futbolaren festa bat izango da.

Tximist Cup nazioarteko talde handien agertoki bikain gisa finkatu da. Edizio honetan, 'Women 's Youth League' bezala izendatu da Txapeldunen Ligan historia egin duten klubak bilduko baitira. Parte-hartzaileen artean, Realeko 17 urtez azpiko, 14 urtez azpiko eta Legends taldeak, Olympique Lyon, FC Bartzelona, RB Leipzig, VFL Wolfsburg, Grasshopper Zurich, FC Twente, Deportivo Alavés, WomanGoal, Athletic, AFE Selekzioa eta Gipuzkoako Selekzioa izango dira.

Txapelketa zuzenean eskainiko da mundu osoan zehar, eta talentua, lehia eta pasioa uztartuko ditu txapelketaren historian ahaztezina izango den kapitulu bihurtuz.

Edizio honen hasiera SHE LEADS Kongresuak markatuko du, ekainaren 14an 18:00etan Reale Arena estadioan. Kongresu honetan nazioartean eragin handia duten emakume eta futboleko erreferenteak elkartuko dira. Horien artean, Garbiñe Etxeberria, gure kirol zuzendaria edota Beatriz Álvarez, F Ligako Presidentea besteak beste. Aintzane Encinas, Tximist Fundazioko Presidentea izango da moderatzailea. SHE LEADS esperientziak partekatzeko eta ezagutzak elkarbanatzeko topagune bikain bat izango da.

TXIMIST CUPen atzerako kontaketa hasi da!