Bueltan da #ElkarriOn Saria. Ekimen hau Real Sociedad Fundazioak eta Atzegik (Gipuzkoako Adimen urritasuna duten pertsonen aldeko erakundea) antolatu dute, CIE Automotive eta SALTO Systems-en babesarekin. Egun berezia biziko da astelehenean, maiatzaren lehenean, Zubietan.
#ElkarriOn Futbol Inklusiboaren Sari hau 4x4ko txapelketa bat izango da, non talde bakoitzean ATZEGI-ko jokalariak eta Realeko eta klub konbenituetako jokalariak (mutiletan Lazkao eta Aizkorri eta nesketan Arizmendi eta Usurbil) egongo diren, nahastuta.
Txapelketan parte hartzen duten guztiek baldintza eta arau berak izango dituzte. Horrela, kirol egokitua eta “normalizatutako” kirola banatzen dituzten oztopoak apurtzea da helburua, espazio komun bat sortuz, non kirolari guztiak baldintza beretan bazkide diren. Arau bakarra egongo da, uneoro Atzegi-ko bi jokalari zelaian egon behar dira.
Aurten ere, Zubietak oso goiz berezia biziko du, Real Sociedad Fundazioaren proiektu inklusibo honi esker.
Zubietara sartzeko gomendioak
Ibilgailuen sarbide guztiak Zubietako goiko sarreratik egingo dira (Z7). Zubietako beheko sarrera oinez sartzeko bakarrik egokituko da. Errepidea itxita egongo da Mercabugatiko gasolindegiko biribilgunetik hipodromorantz.
Baliteke irudi batzuetan zu edo zure ardurapean dagoen adingaberen bat agertzea; beraz, irudi horiek CLUBen komunikazio-kanal ofizialeetan argitaratzea nahi ez baduzu, jakinarazi iezaguzu, mesedez, [email protected] posta elektroniko helbidera idatziz, eta berehala kenduko ditugu irudi horiek. Dagokion pribatutasun-politika honako esteka honetan aurki daiteke: https://cdn.realsociedad.eus//Uploads/CntDetalles/419/1/004e32cb-7cea-4362-85c4-537b7a3ade79.pdf