Hurrengo denboraldiko egutegia ezagutzen da dagoeneko. Lehiaketa hasiko dugu Villarrealen aurka Estadio de la Ceramica zelaian. Abuztuaren 18-19ko asteburuan izango da. Realak txapelketako hiru lehen neurketak etxetik kanpo jokatuko ditu, Leganes eta Eibar izango dira aurkariak bigarren eta hirugarren jardunaldian, hurrenez hurren.
Etxean jokatuko den lehen partida, Anoetaren estreinekoa, FC Barcelonaren aurka izango da irailaren 15-16ko asteburuan. Azkenik, Realak LaLiga Santander bukatuko du maiatzaren 18-19ko asteburuan eta RCD Espanyol izango du aurkari RCDE Stadiumean. Gainera, ligako partida guztiak jada ezagutzen dira.