Aste honetan hasi da Reale Arenako belarraren aldaketa prozesua. Zelaiaren egoera hobetzeko asmotan, club txuri-urdinak astelehenean hasi zituen belarra aldatzeko lanak. Behin belar zaharra kenduta, atzo hasi zen belar tepe berriak jartzen.
Prozesuak bi fase izango ditu:
1. FASEA – Belarra kendu eta tepe berriak ipini
Astelehen eta asteartean belar zaharra kenduko da eta, eguraldia lagun, asteazkenean hasiko dira nibelazio lanak eta belar berria jartzen. Tepe berriak Cacereseko Tapiz Verde enpresatik datoz eta Laziturri enpresak ipiniko ditu. Laziturri Zubietako futbol zelai guztiak eta Reale Arenako zelaiaren mantenuaren arduraduna da. Zelaia prest egongo da hilaren 30ean SD Eibarren aurka jokatu beharreko partidarako.
2. FASEA – Sisgrass belar hibridoa jartzea
Behin talde armaginaren aurkako partida jokatu eta gero, behi-betiko zelai hibridoa ipiniko da. Zelaian fibra artifizialak modu bertikalean josi egiten dira. SIS PITCHES empresa britainiarrak egingo du operazioa 9/10 egunetan zehar, abenduaren 2tik 11era. Abenduaren 14an FC Barcelonaren aurka jokatu beharreko partidarako prest egongo da.
