Ostegunekoak merezi du guztion bultzada UEFA Europa Leagueko final zortzirenetako txartela lortzeko. Joanekoan lortutako binako berdinketak behartu egiten du Reala Salzburgon irabazi edota bi gol baino gehiagorekin berdintzea. Zaila, baina posible da.
Realzale asko ziur dira Realak han garaipena lor dezakeela, horien artean gure mitoak, bere garaian handi bihurtu gintuzten jokalariak. ‘Amets Errealistak’ erakusketaren inaugurazioa eta Juan Mari Irigoieni omenaldia aprobetxatuz, guztia ‘Korner Festibala’ren inguruan, idazlearen taldekide izan ziren asko joan ziren eta, aldi berean, Real Sociedad TV-rekin egon ziren osteguneko zitari buruz. Gainera, gure beterano dezente espedizioarekin batera joango dira Salzburgora bere banimoa ematera.