Futbol munduko pertsona ezagun eta hurbilekoak Herrera auzoko San Luis Gonzaga Elizara hurbildu ziren atzo Iñaki Alkizari azken agurra emateko eta bere senideak babesteko. Hitzordura Klubeko garai desberdinetako ordezkariak joan ziren, presidente eta kontseilarietatik jokalarietara. Bertan izan ziren, halaber, egungo Administrazio Kontseilua, Futbol Zuzendaritza, lehen taldea eta bere staffa, bai eta emakumezkoen taldeko kapitainak ere, entrenatzailearekin batera. Aipatzekoak dira CA Osasuna eta Athletic Cluben ordezkaritza instituzionala eta futbolaren munduko beste erakunde batzuena. Goian bego, Iñaki.