Sansek 1-1 berdindu du Real Murciaren aurka, txuri-urdinek ligako talde handienetako baten aurka jokatutako partida itzelean.
Norgehiagokak parekotasun handia izan du bi taldeen artean partidaren lehen minutuetan. Etxekoek, Pedro Leonek ilustratutako jokaldi baten bidez, partidako lehen aukera sortu dute, baina Torilek area barrutik egindako jaurtiketa Marrerok gelditu du. Txuri-urdinek partidako jokaldi onenetako batekin erantzun dute: Costak, etxeko atezainak, buruz burukoa gelditu dio Martoni, eta jarraian, Gabilondoren jaurtiketa erdiratua harrapatu du. Partidako 20. minutuan, Sergio Franciscoren mutilen aldeko korner bat, defentsa baten besoan jo duen jaurtiketa batekin amaitu da, baina epaileak penaltia ez adieraztea erabaki du. Marrero izan da partidako beste aukera baten protagonista, Toril aurrelariaren jokaldi on baten ondoren, hau atezainaren aurka bakarrik geratu da, baina donostiarra aurrealdera atera da baloia lurretik aldentzeko eta taldea salbu mantentzeko. Eta Vegaren jaurtiketa on baten ondoren, epaileak lehen 45 minutuen amaiera adierazi du.
Bigarren zatia ez da ondo hasi Sergio Franciscoren jokalarientzat. Pedro Leonen jaurtiketa on baten eta Marreroren geldiketa baten ondoren, Toril agertu da aldaratzea jaso eta etxekoen lehen gola egiteko. Donostiarrek ondo erantzun dute, eta Gomezen erdiraketa on baten ondoren, Dadiek buruz errematatu du, baina atezainak esku miragarria atera du 1-0ekoari eusteko. Jarraian, Kortajarenak baloi ona sartu du Martonentzat, baina honek ez du errematea gauzatzea lortu. Txuri-urdinek erasora jo dute etengabe, eta oraingoan Azkunek, eskuin hegaletik barnealdi bat egin eta baloi on bat jarri dio Martoni, eta aurrelariak takoiz errematatu ostean, Costa agertu da berriro gola saihesteko. Garridok ere area kanpotik probatu nahi izan du murtziarra, zorterik gabe. Luzapenean, Garridok berak jarri du aldeko falta bat talde guztia goian zegoela, baina etxekoek aukera urrundu dute. Eta partidako azken jokaldian, emaitza erabakita zegoela zirudienean, Dadiek baloi on bat erdiratu du area barrura eta Cantero agertu da aurrelaria balitz bezala errematatzeko eta partida 1-1 berdintzeko.
Txuri-urdinak askoz gehiago merezi izan dute, eta partidako azken minutuan egindako jokaldi bikainak merezi zutena eman die. Talde honek badaki azkeneraino borrokatzen! Datorren astean Reale Arenan jokatuko dute Real Unionen aurka. Aupa Sanse!
Fitxa teknikoa:
Real Murcia: Costa, Rueda (López, min. 87), González, Piña, Solá, Galindo, Julio, Ganet (Alfon, min. 72), Pedro León (kap.), Toril (Armando, min. 72) eta Vega (Ortiz, min. 87).
Sanse: Marrero, Gabilondo, Arambarri (kap.), Cantero, Ezkurdia (Dadie, min. 61), Gómez (Zoilo, min. 76), P. Rodríguez (E. García, min. 80), Kortajarena, Teijeira (Garrido, min. 61), Martón eta Agirre (Azkune, min. 61).
Golak: 1-0: Toril, min. 53; 1-1: Cantero, min. 94.
Epailea: Sanchez Villalobos. Etxeko Vega, Toril eta Gonzalezi eta kanpoko Martón eta Teijeirari atera die txartela.