Dudarik gabe pasa den denboraldiko sorpresa atseginenetako bat izan zen. Santiago Bernabeu zelaian egin zuen debuta eta pixkanaka lehenengo taldean bere tokia lortu zuen. Aihen Muñoz lehenengo taldeko jokalari bezela estreinatzen da 19-20 denboraldian. Txikitatik realzalea da, 13 urte zituela iritsi zen Zubietara eta harrobiko talde guztietatik igaro ondoren, orain bere ametsa betetzen ari da: Realeko jokalari izatea. Arratsalde bat egon gara berarekin gehiago ezagutzeko.